MAIN

JEEVAN KI AAPA-DHAAPI ME...

SOCHA THA PEECHHE CHHOOT JAYENGE...

KUCHH VAADE...KUCHH IRADE...

WAQT KA DARIYA BEHTE - BEHTE...

BAHA LE JAAYEGA SAB KUCHH...

BACHPAN KI YAADEN...

KUCHH ANKAHI BAATEN...

YUVA AANKHON ME PALTE SAPNE...

PHIRRRRRRRRRRR.............

BAALON ME NAZAR AATI SAFEDI...

CHASHME KE PEECHHE SE JHANKTI....

AANKHON KI AASHAYEN..

SHAYAD.....................

SAB KUCHH...........

MAGAR...........

MAGAR AISA HO NA SAKA...

VO SAB JO PEECHHE CHHUTNA THA...

AAJ BHI SAATH HAI...

BAS...

APNE HI PEECHHE CHHOoT CHALE HAIN...

CHHOOT CHALE HAIN...YA...

SAATH CHHOD CHALE HAIN...

AAHISTA...AAHISTA...

UMRA KE IS MOD PAR...

AB SAATH HAIN...

TO SIRF...

RISHTON SE BANDHE KUCHH NAAM...

AURRRRRRRR........

DEEWARON PE TANGI KUCHH TASVEEREN...

SHAAYAD KAL...

IN TASVEERON ME SHAAMIL HO JAUN...

"MAIN" BHIIIIIIIIII....................

IJAAZAT

LABON KO MUSKURANE KI IJAAZAT TO DIJIYE....

GULON KO KHILKHILANE KI IJAAZAT TO DIJIYE...

KABHI BHAR AAYEN HASTE HASTE JO AANKHEN..

AANSU BAHANE KI IJAAZAT TO DIJIYE...

EHSAAS

tumhare jaane ke baad...

jab bhi zindagi ki diary ke...

panne ulat ti hu...

har panne ke saath...

laut chalti hu tumhari ore...

tumhare saath bitaye palon ka EHSAAS...

kabhi seep me band moti ki tarah...

kabhi baarish ki boond me chhupi aag ki tarah...

man ki deewaron se takraata hai...

aur toot kar bikhar jaata hai....

aur MAIN

usme talashna chahti hu...apna VAJOOD...

janna chahti hu...

ki tumse alag hokar...

kya main zinda hu....????

kya toofan me bhi zindagi ki kashti ko...

tumhare EHSAAS ka sahara mila hai????

ya bhanvar me doobti-utarti...

meri zindagi ko...

aj bhi talash hai tumhari...

DIARY ke kisi panne pe...

achanak ubhar aayi hai tumhari tasveer....

lekin hawa ke saath phadphadate panno ne...

shayad ye soch liya hai...

ki...ab sirf tasveer dekhne se kya fayda...

tum nahi....tumhara EHSAAS nahi.....

to...kuchh bhi nahi...

shayad...MAIN bhi nahiiiii..................

TANHAIYAN

zindagi me hamari...bas tanhaiyan hain...
tum to nahi ho...ruswaiyan hain.....
har baarish tumhara... salam lati hai...
dil ka dil tak... paigham lati hai...
har aahat pe yun... chaunk uthati hu main...
kahin tum to nahi...daud parti hu main....
magar......jab dekhati hu... main soona darwaja..
.sochati hu...kya bhul gaye tum...apna vaada...
phir laut parti hu... andhere kamre ki ore...
jahan hai tanhai... aur khamoshi ka zor...
shayad main janati hu... tum nahi aaoge...
dil ko mere ...yun hi tarpaoge...
magar mujhko jab bhi... tumhari yaad hai aayee...
bas....main hoti hu...aur hoti hai...
meri khamosh....TANHAAIEE..............

AAKHIR VO LADKI HAI...

Bachpan...
uska bachpan...
uska apna bachpan...
Jab wo chhoti thi...
Sach badi khoti thi...
Roz satati thi maa ko....
kabhi chori se mith ai khakar...
kabhi maachis ki teeli jalakar...
Aag se khelti rahti thi wo....
Baaton se chhclti thi sabko...
Aur chhupa deti thi papa ka pen...
Badi shaitan thi...
magar ladki thi...
Mitti ke gharonde banati thi...
khel khel me...
Aur jab ghraunde tut jate....
Maa ki god me sar rakh kar...
der tak roti thi.....
Aakhir wo ladki thi......
Bachpan ki shaitaniyan....
Aaj bhi use yaad hain...
Magar ab....
wo badi ho chuki hai.....
Bachpan ke sapne...
peechhe chhut gaye hain...
Uske sab apne.....
Aur wo bhi ab samajhdar ho chali hai.........
Nahi chhupati hai papa ka pen..
Nahi todti hai ab kisi ka dil.............
AAKHIR...................
WO LADKI HAI................

KHIDKI PE CHAND

kal rat khidki pe yun tanga tha chand...
ke jaise zamin pe utar aaya ho aasman...
hamne kar li band aankhen isiliye...
ke ubhar na aaye palkon pe toofan.....
dhadkano ke saaz par baj utha phir geet...
dil suna raha tha koi daastan......

`TUM AUR MAIN ......

TUM MILAN KA RAAG HO AUR MAIN SRIJAN KI RAGINI...
TUM SURON KA CHAND HO AUR MAIN KALA KI CHANDNI...
SWAPN KE DARPAN ME SAJTA EK ALSAAYA KHAYAL...
BHOR KE MUKH PE JHALAKTA EK ANJANA SAWAL...
TUM UJALE KA HO SURAJ MAIN SUBAH KI ROSHNI...
GREESHM KI CHUBHTI TAPAN ME TAN JHULAS HI JAYENGE...
NEER BHAR LAAYE HAIN MEGHA AB BARAS HI JAAYENGE...
TUM CHHALAKTA MEGH HO AUR MAIN CHAMAKTI DAMINI...
KALPANA KE PANKH LE KE UDD RAHI SAMBHAVNA...
HAI KSHITIJ KE PAAR JANA HAR KISI KI BHAVNA...
TUM GAGAN KA HANS HO AUR MAIN DHARA KI HANSINI...
SNEH KE SAAGAR ME JAISE BHAAV KI GEHRAIYAN...
MEET KE SANG REHTI JAISE PREET KI PARCHHAIYAN...
TUM SAMAY KA BEHTA SAGAR MAIN LAHAR MANBHAVNI...

PARCHHAIYAN

har mod par deta hai koi awaz hamen.............
jaane kiski parchhaiyan hame bulati hain.......
chhed jata hai koi zakhm-e-dil ke taron ko......
har saz ki awaz hamen rulati hai......
uthane lage jab doli armanon ki.....
raat dulhan sa hamen sajati hai....tujhse kya chhupaye ae dost......
raat din teri hi yaad hame satati ha......zikra hota hai jab bhi kisi parwane ka....
hame to jalti hui shama hi yaad aati hai......

MAUN

ab keval maun hi rah gaya hai hamare beech....
nistabh rat ki siyah chadar par tanki sitaron ki ladiyan....
tootkar bikhar rahi hain...
aur tumhari khanakti hansi...
kho gai hai hawaon ke saath....
jharokhe se jharti...
rimjhim barasti....
baarish ki boonden....
sab kuchh baha le gai hain....
keval tumhara naam...
ab bhi mere kaanpte hothon pe thahra hua hai....
khamoshi ki deewar todkar...
bahar nikalna chahte hain kuchh shabd....
magar.....majboor hain....
kyonki ab.......
kewal " MAUN" hi.....
baaki rah gaya hai....
hamaare beech..........................................

DHOOP

andhere kamre ki khidki se...
chhan-chhan kar aati dhoop ko...
dekh kar lagta hai....
shayad kuchh ujala baki hai...
ab bhi....
meri tanha zindagi me...
shayad kabhi....bhar jaye roshani se...
mera bhi ghar...
ya kabhi... sooraj hi...utar aaye...
dil ki zamin par..
.aur jagmaga uthe....
dil ka...vo ek kona bhi...........

ZINDAGI KI KITAAB

KHUL GAI PHIR ZINDAGI KI VO KITAB...

KHIL UTHA PHIR SE VO MURJHAYA GULAB...

SHAAKH SE TOOTA VO DEKHO KOI PATRA...

AA RAHA HAI PHOOL PE PHIR BHI SHABAB...

YAAD KE PANNO PE SIMTE SE VO PAL...

JAISE HO JUGNU YA KOI AAFTAB...

PHIR JAGI EK AAS MAN ME JAANE KYU...

KAUN AAYA ODHKAR PHIR VO NAQAB...

ZINDAGI HAI JAANE LE JAAYE KAHAN...

KYUN JAGAYE MAN ME KOI MEETHA KHWAB...

IMTEHAAN

tere chehre pe nazar aati hai sadgi ki chamak...
teri aankho se roshan hain dono jahan mere...
teri mohabbat hi bandagi hai meri...
AE KHUDA... meri bandagi ka imtehaan na le...

KHWAHISH......

meri khwahish ko chhookar jo guzarti hai...

vo hawa...teri khushboo liye chalti hai...

ek maun sandesha aata hai tere aane ka...

man me tere deedar ki chahat machalti hai....

man me ek aur khwahish palti hai....

khwahish...is kaynat ko aur khoobsurat banane ki...

khwahish...mutthi me samandar sama lene ki.....

khwahish....sabke liye...kuchh achcha karne ki...

ek aboli kavita ki tarah hai...meri khwahishen.....

aur main...apni in khwahisho ko pura karne ki khwahish karti hu...

jab bhi tera naam... mere hothon pe aaya hai...
yun lagta hai jaise.. kareeb koi saaya hai...
teri talash me nazren...aasman pe tik jaati hain....
jab bhi talasha hai tujhe...tu mujh me nazar aaya hai....
mere kandhe pe sar rakh ke..sota hai koi...
koi aur nahi..vo tera hi saaya hai...
yaadon ki wadiyon me...goonjti hai ek aawaz...
ke jaise tumne..mera naam le ke bulaya hai....
zindagi ko mil gai hai..ek nai zindagi.....
jab se tumne mujhe...apna DOST banaya hai...